პატარა ტანის ჯიშის ძაღლები
პატარა ჯიშის ძაღლები მთელ მსოფლიოში ძალიან პოპულარულები არიან თავისი ზომების გამო. ისინი შესანიშნავი კომპანიონები არიან, ადვილად ეგუებიან ნებისმიერ გარემოს, ადვილია მათი შენახვა. მოიხმარენ გაცილებით ნაკლებ საჭმელს რაც არ მოითხოვს დიდ ფინანსებს, ოთახის პირობებშიც კი მშვენივრად გრძნობენ თავს, არ ჭირდებათ სპეციალური გაწვრთნა, სამოგზაუროდ წასვლისას თავისუფლად შეგიძლიათ თან წაიყვანოთ. მსოფლიოს ბევრი ქვეყნის სასტუმროებში პატარა ზომის ძაღლთან ერთად უპრობლემოდ შეგიშვებენ ნომერში.
საშუალო ტანის ჯიშის ძაღლები
საშუალო ჯიშის ძაღლი შეიძლება ითქვას ყველაზე ოპტიმალური ვარიანტია ადამიანისთვის. ისინი თავს კომფორტულად გრძნობენ როგორც კორპუსის ბინაში ასევე ეზოიან სახლებში. მათ საცხოვრებლად არ ჭირდებათ დიდი ტერიტორია, მთავარია თქვენი ოთხფეხა მეგობარი დღეში ორჯერ სამჯერ გაასეირნოთ ეზოში. ბევრ მათგანს თავისუფლად შეუძლია თქვენი დაცვა დაუპატიჟებელი სტუმრის თავდასხმისგან. საშუალო ტანის ძაღლების დიდი ნაწილი გამოიყენება სამომსახურეოდ.
დიდი ტანის ჯიშის ძაღლები
დიდი ჯიშის ძაღლებს ძირითადად სხვადასხვა ობიექტების დასაცავად და პირად მცველებად იყენებენ. ისინი საუცხოოდ ასრულებენ ამ ფუნქციას. დედამიწაზე ვერ ნახავთ ადამიანს რომელსაც შესწევს ძალა ან ეყოფა გამბედაობა წინ აღუდგეს კავკასიური ნაგაზის თავდასხმას და დაამარცხოს იგი. სხვა ძაღლებისგან განსხვავებით დიდი ჯიშის ძაღლის მოვლა საკმაოდ ძვირი სიამოვნებაა ისინი საჭმელს გაცილებით ბევრს მოიხმარენ, მათი აქსესუარებიც გაცილებით ძვირი ღირს, მათ აუცილებლად ესაჭიროებათ სპეციალურ გაწვრთნა ამის გარეშე ის შეიძლება საზოგადოებისთვის საშიშ მონსტრად გადაიქცეს. მაგრამ მერწმუნედ ეს ყველაფერი ღირს ამად. როდესაც თქვენს ეზოში უზარმაზარი კავაკასიური ნაგაზი დარბის თქვენ თავს გაცილებით თავდაჯერებულად და მშვიდად იგრძნობთ.
| 
